Главная Марий улам - марла лудам «КАКШАН СЕМЛАН» - 5 ИЙ
15.02.2013
Просмотров: 1127, комментариев: 0

«КАКШАН СЕМЛАН» - 5 ИЙ

«КАКШАН СЕМЛАН» - 5 ИЙ

19 январьыште Кугунур тўвыра пºрт мўкш омартала гўжлен. Амал икте, верысе ансамбль лўмгечыжым палемден. Нуным саламлаш Чирки гыч «Ош куэ», Тошто Крешын гыч «Эре‰ер» да верысе «Шонанпыл» ансамбль-влак толыныт. Тыгак тышке Оршанкысе тўвыра пºлкан пашае‰же-влак Т.В.Мальцева, Г.Н.Петухова ден Л.А.Смирнова поро тыланымаш мутым да пºлекым конденыт.

«Поро кас» муро деч вара СДК-н художественный вуйлатышыже З.П.Волковалан мут пуалте.

- Мемнан ансамбльна у состав дене 2008 ий 19 январьыште икымше гана кугу концертым ончыктыш. Тиде жап шочмо кечыжлан шотлалтеш. Таче марте вич ий жапыште могай корным эртенна? Вич ий жап шуко але шагал? Ансамбльлан пе‰гыдын йол ўмбакыже шогалашлан тиде жап моткоч ситыше. Паша шагал огыл ышталтын. Чылаже 52 концертым ончыктымо, 16 кустовой, районный да республиканский, тыгак 3 межрегиональный фестивальлаште  шке мастарлыкнам тергенна. Республикын ятыр районыштыжо, тыгак Башкирийыштат лийынна. Е.С.Рыбакова ден Р.А.Кудрявцевалан кугу таум каласынем. Нунын возымо авторский мурыштым калык поснак поро кумылын вашлиеш. Кажне участниклан  шўм гыч лекше кугу тау. Вет нуно шке жапыштым чаманыде, репетицийыш коштыт, южгунам концерт годым, эр гыч кас йўд марте мº‰гыштышт огытат лий. Нунын ешыштлан кугу чытышым да эше ик гана таум каласыме шуэш.

Мутым коллективын старостыже Л.В.Бирюкова нале.

- 1935 ийыште «Куат» колхозышто Василий Филиппович Рыбаков ден Николай Сергеевич Рябинин драмколлектив ден хоровой коллективым чумырат. М.Шкетан тыгай поро тў‰алтышым моткоч порын вашлийын. Шкеже тунам Тошто Крешын клубым вуйлатен. 1937 ий 23 декабрь гыч 1938 ий 8 январь марте Москваште самодеятельный артист-влак коклаште фестиваль эртаралтын.  Тышке республикысе коллектив коклаште, Кугунур гыч 21 е‰ан группо миен. Нуным ял гыч рўдола марте имне дене ужатеныт. А Москваште композитор Яков Эшпай вашлийын да фестиваль пытымеш эре пеленышт лийын. Марий ўдыр-рвезе-влак фестивальыште II верым налыныт. Тиде моткоч кугу се‰ымаш. Адакшым Кугунур гыч эн талантан кум ўдырым Москваште тунемаш кодынешт улмаш. Но ялысе ўдыр-влак мº‰гышт пºртылыныт. Икманаш, ансамбльын шочмыжлан 75 ийымат палемдаш лиеш, - каласен Лидия Валентиновна.

Тыгак поро шомакым ойленыт тўвыран сулло пашае‰же В.Н.Добрынина, администрацийын ончычсо  вуйлатышыже В.А.Фурзиков, «Шонанпыл» ансамбльым вуйлатыше Л.Е.Акулова да молат. «Какшан семын» ондаксе участникше Р.П.Шамтиев эрвел такмак-влакым муралтыш да мутым нале:

- «Какшан сем» ансамбль 1984 ийыште шочын. 1990 ий мартыште калык ансамбль лўмым сулен налын. Ке‰ежым районысо тўвыра пºлкан тунамсе вуйлатышыже Л.С.Протасова мемнам Ханты-Мансийскыш, Югорск искусствын VIII фольклорный фестивальышкыже гастроль дене каяш темлыш. Тушто 13-21 июнь марте лийынна. Ондак «Октябрь» тўвыра полатыште, мучашлан «Геолог» спорткомплексыште выступатленна. Калык моткоч порын вашлийын. Угарман ола гыч художник-модельер Н.П.Коломарева лийын. Тудлан костюмна моткоч келшен да шканже эскизым сўретлен нале. Ханты калыкын писательже Юван Шесталов, верысе сўретче В.Райшев да молат мемнан концертнам кўкшын акленыт. Сылнын мурышо-влак кокла гыч Римма Кленова ден Зоя Рябининам ойырен палемдыме шуэш. Тунам пºръе‰-влакат ансамбльыш кумылын коштыныт. Гармоньчо-влак Виталий Иванов, Виталий Козлов, Михаил Рябинин ден Валерий Авдеев семым мастарын келыштареныт. Концерт программым Е.Г.Павлова сºралын вўден. Фестиваль гыч Диплом дене пºртылынна. 1990 ийла мучаште, участник-влакын шагалеммыштлан кºра, ансамбль калык лўмжым ыш пе‰гыдемде. Икмыняр жап ансамбльын йўкшº йºршын ыш шокто. Кызыт тудо угыч калыкым куандара, - палемден Роман Паирович.

Вич ий жапыште ансамбль кугу се‰ымашыш шуын, шуко гана районын чапшым республика кўкшытыштº арален. Репертуаржат кажне ийын вашталт толеш, авторский муро, у куштымаш ден муро-влакат каже ийын ешаралтыт. Шке кидвий ден костюмым уэмденыт. У платье-влаклан З.П.Волкова шкеак тўрым тўрлен, а З.Г.Бердникова урген. Тыгай кугу паша ышталтын, шоналтен ºрат. Икманаш, «Какшан сем» ансамбль шкенжын чапшым моткоч сайын аралыш. Ончыкыжымат нунылан кўкшº лектышан творческий пашам тыланен кодына.

Э.БЕРДНИКОВ.

Комментарии

Архив новостей

понвтрсрдчетпятсубвск
1234567
891011121314
15161718192021
22232425262728
293031    
       

каталог организаций