Главная Марий улам - марла лудам ЯЛЫСЕ БИБЛИОТЕКА – КУЗЕ ТУДО ИЛА?
11.01.2013
Просмотров: 889, комментариев: 0

ЯЛЫСЕ БИБЛИОТЕКА – КУЗЕ ТУДО ИЛА?

ЯЛЫСЕ БИБЛИОТЕКА – КУЗЕ ТУДО ИЛА?

Кажне е‰ын шке шонымашыже… Мый гын калык коклаште книгам лудмо пашам вия‰ден колтымо сомылым нелылан шотлем. Шоналтен ончыза? Кызыт изижге-кугужге яра жапыштым телевизор воктен эртараш тыршат. А книга-влак шºрлыкыштº пуракым поген кият. Чыла вере тыге огыл улмаш. Теве Изи Каракша библиотекым вуйлатыше В.В.Елькина йºршын вес семын шона. Тудын деке книган та‰же-влак чўчкыдын пурен лектыт: тунемшыжат, илалшыжат. Тыгай сўрет чоным куандара.

А вет Вера Викторовна библиотека пашам шке ўмбакыже 2010 ий 21 январьыште веле налын. Тиде моткоч шагал жап. Туге гынат кўчык жапыште е‰-влак коклаште пагалымашым сулен налын. Тудын деке книгаланат, южыжо ойым вашталташат, тыгак илыш нерген мутланашат пурат.

Амалже тыште. Вера Викторовна тў‰ паша деч посна общественный паша семын краеведений сомылым шукта. Лудшо-влак шарнат докан, эртыше ийын В.В.Елькинан кок о‰ай материалже («Паре‰ге пеледше тукым» да «Каракша лайва ялем») савыкталтын ыле. Е‰-влак тидым порын вашлийыч. Ончыкыжымат тудын деч о‰ай материал-влакым вучат. Молан тудо тыгай корным ойырен налын?

Шкеж дене мутланыме гыч рашеме. Педучилищын икымше курсышто  тунеммыж годым П.Е.Емельяновын вуйлатымыж почеш Кугу Єрша ял нерген альбомым ыштен. Альбом келге содержаниян лийын. Сандене училищын комиссийже кўкшº акым пуэн. Лачак ты поро тў‰алтыш ончыкыжымат краеведений пашаш ушнаш кумыла‰ден.

Шарналтеш: Вера Викторовна Изи Каракша тў‰ школышто туныктымыж годымат краеведений паша дек мелын шога ыле. Ятыр е‰ нерген посна материалымат возен. Кызыт нуно посна папкыштыже аралалтыт.

Ончыкылык паша планда могай манмылан, Вера Викторовна вашештыш:

- Е‰-влак нерген, нунын пашаштым, илышыштым утларак келгын возаш. Ынде самырык-влак нергенат возаш жап шуын. Шоналтен ончыза? Каракша тў‰ школын икымше выпускникше-влак коло ий ончыч школ дене чеверласеныт. Кызыт шукышт йол ўмбалне пе‰гыдын шогат. Тўрлº вере пашам ыштат, тўрлº вере илат. Викшым манаш гын, шукышт ынде личность улыт. Теве Реутов Вова, Шевелев Коля, Фурзиков Володя военный корным ойырен налыныт, Зыков Саша, Елькин Юра, Зыкова Лена, акак-шўжарак Марина ден Маша Москвинамыт – медицина корным, Бахтина Аня – юрист корным, Моисеев Эдик ден Бариев Руслан – программист корным. Молан нунын нерген материалым возаш огыл?

Чын шонымаш. Кызыт возен кодымо у шўлышан материал нигунам ок тоштем. Тыгай поро пашам кызытак ыштыман. Вера Викторовна эртыше шыжым районысо библиотекарь-влак коклаште краеведений дене «Ялысе ик пºрт» тема почеш конферецийым эртараш ойым пуэн. Тидын дене чылан келшеныт. А шкеже Изи Каракшан икымше школжо нерген ойлен.

Икманаш, паша умен толеш. Арам огыл библиотекын паша планыштыжат ик тў‰ корнылан краеведений шотлалтеш.  Тугеже, Вера Викторовна, шонен пыштымыда эре шукталт шогыжо, пашада тўвыргº лектышан лийже.

Э.БЕРДНИКОВ.

Комментарии

Архив новостей

понвтрсрдчетпятсубвск
  12345
6789101112
13141516171819
20212223242526
2728293031  
       

каталог организаций